Letztes Feedback

Meta





 

Ciao Ciao Argentina

Halli hallo mitenand

 ich hoffe ihr versinked schön im schnee, bin chli nidisch aber niur es biiz weli da halbe am verschmachte bin.. aso ken vergliich zu iguazu aber da isch au heiss. uf de fahrt da ane hets anschinend voll gschüttet und es paar stund vorane het de sturm am do mal churz ganz ba unter wasser gsetzt. au e folg vom klimawandel wel vorane hets das anschinend ned geh so tropestürm. drum ischs denn am fr agnehm warm xi aber ezt isch wider brüetend heiss.. am fr hani nüm vill gmacht, han mi am abig na mit de kollegin troffe woni im flugi kenne glernt han, den simer was ga esse und gester simer de ganz tag unterwegs xi, ga shoppe i de avenida florida und sache ga aluege in san telmo.. i de avenida florida hani denn au na e tango show xehh.. voll cool wel wennd ane richtigi wetsch gah zahlsch mega vill und so leisch efach es paar pesos in huet..

hüt gahni denn na uf de friedhof det wo unter anderem d evtia und de carlos gardel begrabe sind. ufen kunsthandwerk markt und denn hoffentlich na bi dere familie verbii woni vorane gwohnt han. de tag isch ja na lang ;-)

Morn gaht denn am halb 12 min flug am ezeiza und denn flügi zersch uf panama und denn uf costa rica, det bini denn am 7 am abig.

han ezt ziit zum es chliises resumee mache: aso vom land hani vor allem patagonie xeh, det hets pampa pampa pama und es par berge... guanakos sind cool, hase hani au es paar xeh voll cool, eine ishc mal voll uf mich zuezrenne cho woni ga wandere bin und bin meega verschrocke dn heter mi xeh und gad na n hacke gschlage.. mega vill löwenzahn hets im süde une und d ande bestönd hauptsächlich us sand hani s gfühl gha ;-) de wind isch sehr müesam det une va in kombination mitem sand. Denn bariloche ische kopie vo de schwiiz, ussert dases ned so vill wiese het. Bin mega froh bini au na in norde ufe, wel susch heti mega es anders bild gha vo argentinie. aber de norde isch so heiss und so grüen das isch voll cool xi zum au na xeh. schad findi dasi ned na uf salta bin wel das wär au na mega schön xi aber am schluss isch mer halt echli d ziit devo gloffe.. aber mer mus sich ja was ufhebe für s negsti mal.. ;-) bin scho am plane für di negsti reis, wett na uf peru ecuador und chile und uruguay und natürlich riooooooo :-))) am beste gad e ganzi weltreis machi freu mi voll aso isch glaub ned s letzte mal xi woni da xi bin..

Zu de lüt chani nur sege dassi mega vill netti lüüt troffe han, so offe und hilfsbereit!!!! was mer susch na so bliibt isch, dass si da weg allem uf d strass gönd oder streiked, alli hend us prinzip ke geld i de kasse oder zum wechsle, und d gebühre wos verlanged für en geldbezug sind sit ich da bin im 30 cent gstige (ime monet!!) hallo inflation!. denn sind d priise für kleider lebensmittel etc öpe so wie i de schwiiz und ich frag mich echt wie die lüt das mached da, wel die weniger verdiened und va d lebensmittel zum teil türer sind als i de schwiiz, aso so billig produktlinie gits da gar ned. findi scho na krass, i de schwiiz glaubi sind d lebensmittel efach z billig.. denn sind d frücht und s gmües amel halbe verfuulet i de läde, wel s guete zügs alles exprotiert wird und i jedere glegeheit wird mate trunke ;-) sehr cool aber chli umständlich weld de thermos musch mitneh und de mate d yerba d bombilla und denn na de zucker und de thermos isch ezt weiss gott z gross, drum bini au relativ froh dass e mexikanerin mine gschrottet het, öpis weniger zum träge :-P

 

sooo das wärs so mis negste update chunnt denn glaub vo costa rica.. Wünsch eu na ganz en schöne zweite advent, macheds guet, haltet eu fit mit schneeschufle, essed vill guetsli und gnüssed efach d vorwiehnachtsstimmig.. 

han eu mega lieb und bis bald..

un besito grande <3

9.12.12 15:08

Letzte Einträge: Ciao Ciao Argentina, Back in CR, Back in CR, résumée erste woche, Dritti und vierti wuche

bisher 0 Kommentar(e)     TrackBack-URL

Name:
Email:
Website:
E-Mail bei weiteren Kommentaren
Informationen speichern (Cookie)


 Smileys einfügen