Letztes Feedback

Meta





 

résumée erste woche

Ja also bin ezt scho e wuche da.. und mun sege au wenni ned sooo vil gmacht han ishc d wuche mega schnell umegange, bin nach minere tolle argentiniereis fasch chli ines loch gheit, weli uf eimal nüm so vill gmacht han und s gfühl gha han ich chan ezt nüm eifach weg vo de fam.. han ezt aber gester mit ihne gredt und es isch alls super.. und ezt gahni am do mit minere schwö zwei täg inen nationalpark i de nöchi und jaa, freu mi. mal luege wies wird, wenns mer ned gfallt denn gahni denn allei wiiter hehe. han ezt die wuche es paar vo mine ehemalige schuelgspändli troffe und isch na speziell. speziell vor allem weli da ned so öper gha han wie e besti kollegin oder en beste kolleg, has mit de einte besser gha als mit de andere aber so meeeeegaaaa guet hanis mit niemertem gha,, und han s gfühl dass sich das au ned gänderet het. s freued sich zwar all mich wider z xeh aber ja das ischs denn au xii.. isch ned so dass si finded mer münd ezt mega vill zeme mache oder was weiss ich, drum bini ezt meistes mit minere schwö und ihrne kollege unterwegs,,

wases vo da neus git, mer chan sich efach e handynr chaufe und mus ned 10000000 jahr wart bis mer eini bechunnt und verhüetig wird modern, in apotheke macheds sogar werbig obwohl ufklärig vo de chind bi de eltere immer na kes thema isch.. oder kes grosses, drum het mer denn au en kolleg wele wiis mache dass kondom nur vor chrankheit und ned vor ere schwangerschaft schützed.. so wür ich das zwar ned ganz usdrucke aber najaa.. isch mal en afang.

trotzdem gits mega vill wo mit 17 es baby wennd bzw. hend, wel de wunsch relativ schnell in erfüllig gaht. die studiered ned so wiit dass si au na mit 30 wenns e abgschlossni usbildig hend chön es chind ha aber ja.. isch drum au na komisch zum xeh wie alli mini schuelkolege und kolleginne plötzlich mit babies umenandrenned. aso bi minere klass isches sicher mindestens d hälfti.. und zwei hend das jahr ghüratet. eine het zwei gliichaltrigi chind mit zwei verschidene fraue und alles wüeschte.. da wird betroge und hintergange bis zum geht nicht mehr. findi echt krass...

drum het denn mini schwö au gfunde si wüssi dass all männer gliich seged und früener oder später betrügeds di eh drum wett sis lieber gar ned wüsse.. findi scho krass.. han denn mal gfragt ob d vätere de chinde münd unterhalt zahle und denn het si gmeint nei, denn hani denkt ishc ja eich na bequem für die herren der schöpfung, chönd en goof id welt stelle und wenns ned nüm passt chönds efach abhaue und hend ke verpflichtige.. und han au s gfühl wenns so es gsetz gäbti denn wür mer sichs au namal zweimal überlegge... aber ebe d eltere freued sich ja wennd chinde schwanger sind drum ischs ja au ned nuur schlimm. aber glich bin froh dasi i dene sache hcli besser ufklärt bin.. und au ned so naiv denke..

aber da chamer halt d chinde au eher mal de mueter geh und si luegt denn was i de schwiiz ned so klappet wel ja di meiste müetere au schaffed. 

fazit vo de ganze gschicht: ich han ned gwüsst dass all sich soo hintergönd und alls und bin i dere hinsicht froh bini schhwiizerin und es zeigt mir eimal meh das ich guet na chan warte bis das ganze theater afangt ;-)

 si hend ezt da au so e tolli mode, dass al so durchsichtigi bluse aziehnd, mitme grosse ruggeussschnitt oder was au immer und dass si drunder nur de bh aziehnd... da bini denn als prüdi europäerin enttarnt worde, wel ich bin ned gad scharf druf dass all min bh xehnd.. isch die mode au i de schwiiz acho?? aso das mit de spitze sache und dass die zum teil durchsichtig sind oke aber fasch all bluse wod da chasch chaufe sind soo.. das haltet mi au ab vom shoppe, aber da bini au froh weli scho ezt ned weiss wieni all das zügs mithei nimme :-s aber glaub ich schaff das hehe...

 ja das wers glaub so langsam.. es isch recht heiss da und ab und zue gits es erdbebe aber han na nix gspürt und ja.. susch isch alls guet.. wenn i mi nüm melde wünschi eu na ganz e schöni wienachte, gnüssed d wienachtsstimmig mit guetsli und feinem esse und allem drum und dra und s zemesii i de familie, das wird wider e herti ziit für mich weli denn immer alli bsunders fest vermisse, aber freu mi eu all wider z xeh im neue jahr.. :-))) hebed eu sorg und denne wo im lernstress sind alles gueti und vill glück!!!

 liebi grüess a alli!!!

xoxo

18.12.12 15:49

Letzte Einträge: Ciao Ciao Argentina, Ciao Ciao Argentina, Back in CR, Back in CR, Dritti und vierti wuche

bisher 1 Kommentar(e)     TrackBack-URL


Doris und Rolf (19.12.12 21:19)
Saly Corinne
schön dass du zwäg bisch, Bi öis ischs chalt und nass.
Ja das mit dä chind isch nöd so eifach wie mängi meined bring also lieber kei so es souvenier hei Mir wünsched dir e ganz ufregendi Wiehnacht und en guetä Rutsch is 2013 mir gsend öis

Name:
Email:
Website:
E-Mail bei weiteren Kommentaren
Informationen speichern (Cookie)


 Smileys einfügen