Letztes Feedback

Meta





 

zweiti wuche

soo ich nimm ezt de zweiti alauf zum di zweiti wuche zemefasse wels mer gad alles glöscht het woni bis ezt zeme gha han -.-

 s highlight isch xi dasi mit minere schwö im auto in nationalpark manuel antonio gange bin. das isch a de pazifikküste südlich vo det woni wohne. normalerwiis gfalled mir ja d stränd a de pazifikküste ned so, erstens weli di schöne stränd in guanacaste nanig xeh han und zweitens wel d küste zum teil sehr grad isch und drum d welle mega höch sind und drum eher surfstränd als badestränd sind. aber manuel antonio isch ganz andersch. isch en chliine park, en teil devo isch ufere halbinsle. het vill wald mit chline wegli und verschideni chlini buchte mit sandstränd wo zum bädele iladed. s wassser isch warm und klar und d stränd sind suuber, was mer da fasch ned findet, wel d lüüt immer alles ligge lönd.. -.- das isch eich das womi am meiste ufregt.. denn wohneds i some schöne land und hebed em eifach ned sorg und find das het au nix demit ztue dass d lüt arm sind, mer chan sin abfall gliich mitneh.

später am tag simer denn nachli wiiter südwerts anen surferstrand gfahre. dominical. isch anschinend de kifferstrand, aber das chani ned bezüge ;-) hend i cabinas übernachtet wo de tolli name "Tortilla flats" gha het. hemer also scho recht geil gfunde und glaube sogar, dass mer nur wegem name det hi sind. aber s ambiente isch mega cool xi, het e bar gha, det simer denn au ane nachdem mer de sunneuntergang agluegt hend. isch wider eher en touristischere strand xii drum hani denn au na n schwiizer kenne glernt (jaaa, die sind würklich überall!!!) de het mer denn echli muet gmacht, und gmeint ich sell ned warte, sondern ich sell efach gah und ned länger umehocke, aber mer gwöhnt sich halt mega schnell dra. und wasi halt vill mache, isch vo da us iwo hi gah. am mi simer ga "surfe".. aso hans mit me boogie probiert. aber naja bin chli gscheiteret. und han d luscht chli verloore aber iwie wettis ebe gliich lerne, naja mal luege obi denn mal na es paar lektione nimm, wel am mi simer efach mit es paar kollege gange..

und hüt simer mit es paar kollege zume versteckte wasserfall gange. meeeegaaaaschöön..!!!! cned so gross halt im vergliich zu e iguazufäll aber glich cool, une dra het mer na chöne ga bade aber han leider nix debii gha drum isch das leider is wasser gfalle ;-) oder ebe au ned wiemers nimmt :-p

gester abig isch na klassezemekunft vo mim jahrgang xii.. hani na witzig gfunde zum all wider xeh und chli in usgang gah.. was very nice..

morn fiiremer wienachte a lo tico und am 25. gömer wiiter in süde  inen andere nationalpark. det hemer eich scho am fr wele aber mini schwö het angst gha dass s auto abliit drum simer denn zrugg gahre. aso es isch nenig gaaanz sicher dass mer gönd aber hoffes ich scho. susch machi mi denn halt allei uf de weg. am do hani denn wele uf limon gah, das isch uf de atlantikküste, aso chli en anders feeling, drum muni umbedingt gah.

nach dominical hani mega lust silvester ame strand in guanacaste z fiire, genial wärs natürlich mit minere fam, wel mini schwö ja au in guanacaste studiert chöntemer au bi ihre schlafe und so aso das wär scho genial. aber au wenns ned klappet fiiri zu 80% iwo ame strand :-))))

soo vill meh gits ned z verzelle, mis lebe isch langwiilig. 

ich wünsche eu natürlich na ganz schöni wienachte und wemer sich bis det nüm ghört na ganz es guets neus... münd denn na naafiire ;-) gnüssed s feine esse und s fiire mit de familie.. hofef dass spätestens jetzt alli in wienachtsstimmig sind und d studis unter eu de prüefigsstress wenigstens es biz chönd vergesse :-)

han eu alli mega fest lieb und bis bald, gnüssed d ferie und de schnee :-p

liebi grüess und bis bald xoxo <3

24.12.12 04:47

Letzte Einträge: Ciao Ciao Argentina, Ciao Ciao Argentina, Back in CR, Back in CR, résumée erste woche, Dritti und vierti wuche

bisher 0 Kommentar(e)     TrackBack-URL

Name:
Email:
Website:
E-Mail bei weiteren Kommentaren
Informationen speichern (Cookie)


 Smileys einfügen