Letztes Feedback

Meta





 

Dritti und vierti wuche

hallihalloo mitenand

 

ja ich weiss ich bin chli nachlässig worde.. :-s aber ich chume ja glii zrugg, denn chani eu alles in echt verzelle hehehe...

Han schöni ferie gha. gottseidank ned soo vool in wiehnachtsstimmig cho susch heti eu na viiil meh vermisst :-S am 24. hemer mit de fam gfiiret, dusse im garte grilliert und nachane hani na mit alte schuelkollege abgmacht. am 25. bini denn mit mine gasteltere und de cousinevo de castmueter mit ma inen naturschutzpark. Mini schwö het ned wele mitchoo.. sind in süde abe, det hets en strand wo sich e Walflosse bildet, wenn ebbe isch :-) Am 25. simer am mittag acho und natürlich hets müse schiffe, aber mer sind gliich an strand, wel gad ebbe xi isch simer na usegloffe zu de "Flosse" und anchane na ga bade.. wos dunkel worde isch (also am 6) hets ke lüüt meh gha uf de strass, drum simer denn nur na ga esse und ga schlafe. am mi han ich denn na e tour gmacht, bin ga schnorchle, han falschi orcas xeh und bin na verschideni insle ga aluege. nachane simer denn nachme zmitag au scho wider hei gange. mun sege dassi die familieusflüg amel recht stressig finde, si hocked tagelang im huus umenand und denn gömer mal weg und denn haltets es fasch ned uus und münd gaaaanz schnell wider zrugg, wie wenne ne da was würd devorenne, findi amel chli müesam, aber ja wenigstens macheds sich d müeh und mached extra für mich n usflug das findi scho mega cool. :-)

 

ha ja wele silvester ame strand fiire, das hetti denn au fascht gmacht, bin am 28. nach guanacaste gange und vo det us bini denn uf tamarindo und han es mega hässlichs hostel gfunde, leider s einzige wel di andere all usbuecht xi sind (jaa das het d corinne ned überleit, dass alli ticos wettet silvester am strand fiire -.-)

han denn det es paar argentinierinne kenne glernt und susch na es paar anderi,, aso mun a dere stell na amerke, dass tamarindo voll isch mit lüt vo buenos aires und amis haha.. natürlich.. han übrigens ned gwüsst dasss amis nur ei wuche ferie im jahr zahlt bechömed.. voll krass.. heti ned denkt.. ishc ja mega wenig..

uf jede fall hanis denn chli mit ihne ghängt, bin mit ihne in usgang und am sa bini mit ne anen mega coole strand woni immer han wele gah aber de bus fahrt ned det ane, aber sie hend zwei autos gmietet gha.. am abig simer denn wider in usgang aber isch nüm so toll xii, het efach z vill lüt gha denn isch iwie gar ke stimmig xii.. naja.. was ganz toll isch xi, dass si unbefestigto strasse mit o honig iwas begosse hend, dass de staub ned di ganz ziit vo de autos ufgwirblet wird, das het denn zur folg gha dass emr zum teil fasch chlebe blibe isch.. voll gruusig xi vor allem hets wie bäredreck gschmöckt -.- am so bini denn na zfuess anen andere strand gange wo chli ruhiger xi isch und denn am nami hani wiiter wele mitm bus an playa flamingo.. hani denn au gmacht und bin de ganzi nami mit minere tolle sporttäsche umegloffe und han hotels gsuecht, bin a anderi stränd und han na meh hotels gsuecht und han efach niiiiix gfunde efach niiiix.. voll krass xi bin scho halbe am verzwiifle xi und han scho wele mit m letzte bus zrugg uf esparza und denn hani e frau troffe wo det gwohnt het und wo mer gholfe het es hotel sueche. han denn aber immer na kes gfunde und denn het si mer abote dassi chan bi ihre schlafe. si het mega eifach gewohnt imer chline hüüsli aber hans mega ool gfunde dass si mich efach mit zu sich heignoh het und ich bi ihre han chöne übernachte, het au silvester chöne bi ihre fiire aber han denn beschlosse dassi silvester doch lieber in esparza bi minere fam fiire.. die netti frau het mi denn au mit zu ihrere tochter mitgnoh und mer hend det znacht gesse. sind denn zrugg und sie het am negste tag früe müse ga schaffe und ich bin denn zu ihre ga zmorge esse gange, wel si inere soda schaffet, denn bini anen andere strand gloffe und am zwei bini denn uf de bus dassi pünktlich uf silvester zrugg xi bin. bin vome kolleg iglade worde, zum silvester bi sinere fam fiire und isch na cool xi, nachane hemer mit es paar kollege wele an strand, hend aber kes auto gha drum isch das is wasser gheit, sind denn namal zrugg zum kolleg und hend gredt bis am morge. am halb 7 bini denn dihei xii..

nach zwei hängertäg bini denn mit es paar kolleginne uf san jose, weli eigentlich han wele ga schueh chaufe, wel mini nüm im beste zuestand sind unds da es biz billiger sind. hands denn aber usgeh weli efach nix passends gfunde han -.- aber isch gliich cool xi, hend bi de einte im apartment übernachtet, isch zwar mega chlii xi aber gliich cool zum mal chli usechoo.

hüt hemer wider en familieusflug gmacht, wie immer chli stressig aber han canopy gmacht, das isch cool xii. sind in nebelwald - es isch schweinechalt xii!!!- und det chamer a so seil dur de wald düse.. hani cool gfunde au de tarzan swing (bite google isch schwer zum erkläre ;-p) aber ebe am vieri simer scho wider daaa xii.. aso eich nur dass ich mis züg han chöne mache und denn wider zrugg.. verstahns ned so ganz warum si sich di ganzi müe mached wenns gliich ke lust hend ich han ja xeit ich chan au allei gah.. und ja kkaaaa.. 

ezt bini iwie chli schlecht druf und morn ennds na a sonen wasserfall gah, de isch mega schön aber wenns wider so en stress hend schissts mi efach ah.. vor allem weli weiss das mini schwö am abig uf liberia ad uni gaht, das heisst mer gönd am morge und blibed ned lang und denn am abig hani nüt meh ztue.. und bin na am luege obi ev scho morn uf puerto viejo gahne oder ersch am mo, aber am mo morge uf de bus isch scheisse, wel vermuetlich alli voll sind wel al münd ga schaffe und d ferie verbii sind, und am nami chani ned gah weli ned wett i de nacht achoo.. und eich weri allei gange, aso zersch allei, denn z dritte und denn gliich wider allei, und ezt hani na mitere andere kollegin gschribe aber mal luege ob die ezt chunnt wel si sich ned meldet.. ja aso wenni mit ihre wür gah denn würi ev scho morn nami gah und denn bi ihre penne und denn vo det us gah aber kaa.. oder weiss ned obi efach de usflug morn sell schwänze und efach am morge scho gah, dh kei bruefsverchehr jupii.. najaa... mun ezt mal luege wasi mache...

 

also meine lieben ich hoffe ihr hend ganz schöni festtäg gha und sind ned z dick worde susch teil ich eues schicksal gern (3 kiloooooo!!!!!!) macheds guet und freu mi soooooo fest eu alli wider z xeh. han eu alli mega fest lieb und bis gaaaanz baaald

besos xoxo

6.1.13 01:36

Letzte Einträge: Ciao Ciao Argentina, Ciao Ciao Argentina, Back in CR, Back in CR, résumée erste woche

bisher 0 Kommentar(e)     TrackBack-URL

Name:
Email:
Website:
E-Mail bei weiteren Kommentaren
Informationen speichern (Cookie)


 Smileys einfügen